Thursday, July 31, 2008

A B +



آآآآآآآه

فصيلة دمي اي بي موجب ، وبعدين؟ا
لمفروض أعمل إيه ؟
أكسر المراية ، وأرميها في وش العسكري اللى كان واقف قدام باب اوضة المأمور ؟
شكله زي عصاية الفرن ، نفسي كنت أضربه ، بس يللا المسامح كريم . ماهو صعب عليا برضه . غلبان . تلاقيه مكلش من الصبح . والسندويتشات اللى معايا كان طعمها زي التراب . بس هو أنا عرفت ازاي طعمها ؟؟ هو أنا كنت دقتها أساسا؟
لأ، مدقتهاش . حد له نفس ياكل في اليوم الى مطلعلوش شمس دة ؟ مين قال مطلعلوش شمس ، دي درجة الحرارة داخلة على الاربعين. والمروحة مش شغالة . والرجل الى قدامي قاعد يسرح شعره كأنه داخل يقابل حبيبته جوة .
ياعالِم مين جوة تاني . هما متصلوش لحد دلوقت ليه؟
. أكيد موصلتهمش الرسالة .لأ وصلت أنا متأكدة ، دة أنا بعتتها مرتين . وتكييف العربية راح في الوبا بعد الحادثة .
أيوة يا ماما ، أنا هنا ، لأ كله تمام ، كلها ربع ساعة وأوصل . متخافيش . سلام.
ياريت تخاف شوية , وتبعت حد .
اوووف هو النهاردة ايييييه ؟ أكيد التلات . هو التلات بعينه .
يوم لونه غامق شوية , بين الاسود والكحلي
أكيد اي حد جعان ،مكلش من الصبح هيكون له نفس ياكل دلوقت . فرصة تانية بأة!!
المرة الجية آخد بالي وأركن العربية في المكان الصح وخلاص

Friday, May 9, 2008

ترا لم لم

كلما وجهت عيني نحو لماح المحيا رأيت إن المكنة
طلعت قماش ، ولكن وسائل الإعلام الأخرى الموالية لجيش من الجيوش أعلنت عن تعاطفها الحار مع ماحدث ، بل إنها أغلقت تليفزيوناتها ، وتوقفت الصحف الناطقة باسمها عن الصدور رفضا تاما وكاملا ، وفي الخلفية القريبة /أكلمك وأسمع حسك وأشكي غرامي /ترررم/ الآخرون توجهوا لمنطقة الحدث ذاتها ، حملوا على ظهورهم حقائب سفر خفيفة وعملية استعدادا للرحيل ، ارتدوا قمصانا قطنية عليها أيقونات شيطانية بعض الشيء / إن روحي خير أفق في أنوارك تظهر /تررم لم لم / وقال بشعره المشعث ووملامحه الكوميدية ، إنه ليس مختبئا ، بل هو فقط يراقب ما يحدث من مكمنه ، وإنه لو كان مختبئا لما استطاعوا هم ولا الجن الأزرق أن يصل إليه الآن ويحادثه هاتفيا ، حتى يصل صوته إلى جميع البشر في الغرب قبل الشرق حتما ، وختم كلامه بشكل رومانسي لا أستطيع أن أنكر أنه أعجبني ، قائلا إنه لا يملك إلا البصق علينا جميعا ، و أننا إن أردنا تفادي بصقته علينا، فعلينا البدء بالهرب من أمامه الآن ، لأننا في نهاية الأمر وبدايته لسنا سوى كلاب سكك ملاعين / والجو راق وارتاح البال واطمن القلب الحيران وسعدت الروح واتهنت بالقرب من بعد الهجران /تررررلم لم لم تاااااااااااااااااااا